Zer da
Administrazio publikoen jarduera gainbegiratuta herritarren oinarrizko eskubideak eta askatasun publikoak defendatzeaz arduratzen den Gorte Nagusietako Goi Komisarioa da el Defensor del Pueblo.
Diputatuen Kongresuak eta Senatuak aukeratzen dute el Defensor del Pueblo, hiru bostenek osatutako gehiengoarekin. Agintaldiak bost urteko iraupena izango du eta ez du agintarien agindurik zein jarraibiderik jasoko. Independentziarekin, inpartzialtasunarekin, autonomiarekin eta bere irizpidearekin garatuko ditu bere egitekoak eta kargua gauzatzean bortxaezintasuna eta immunitatea izango ditu.
Herritar orok jo dezake el Defensor del Pueblorengana eta esku hartzea eskatu, doan, ustez irregularra den administrazio publikoaren edo bertako agenteen jarduera oro ikertzeko. Ofizioz ere esku har dezake hala uste duen kasuetan, horiei buruzko kexarik aurkeztu ez den arren.
El Defensor del Pueblok urteko txostenean emango die Gorte Nagusiei bere kudeaketaren berri eta larritzat hartzen dituen edo arreta berezia eskatzen dutela uste duen gaiei buruzko txosten monografikoak aurkeztu ahal izango ditu. 2002ko abenduaren 18ko New Yorkeko Nazio Batuen Batzarrean onartutako tortura eta bestelako tratu edo zigor krudel, jasangaitz edo umiliagarrien aurkako hitzarmenaren eskumeneko protokoloa Espainiako estatuak berretsi ondoren, Gorte Nagusiek el Defensor del Pueblori egotzi zizkioten 2009ko azaroan Tortura Ekiditeko Mekanismo Nazionalaren (MNP) egitekoak.
El Defensor del Pueblo, MNP den aldetik, prebentziozko bisitak egiten ditu torturen edo tratu txarren zigorgabetasuna bultza dezaketen arazoak hautematen dituzten askatasunaz gabetzen duten zentroetara. Bisita horietan ondorioztatutakoak Gorte Nagusiei eta egoitza Genevan duen Nazio Batuen Tortura Ekiditeko Azpibatzordeari urtero aurkeztutako txostenean jasota geratzen dira.
El Defensor del Pueblok haren bi ondokoren laguntza izaten du eta horiengan eskuordetu ditzake bere funtzioak.
